وصفة شعري...علاج التقصف و الهيشان و تطويل و اللمعان و النعومة و التفتيح للشعر متجدد

النتيجة وصلت إن شعري الهيشان هدي و التقصف قل و بدا يدي طول في شعري و اللمعان و النعومة تحفة ... مقلكوش بقي تحفة كل شوية افكه من الطاقية و اقعد ادلعة يمين و شمال و احسس عليه من النعومة و بقي و لا المتششور تحفة نشكر الله خمسه و خميسه في عنين العدو هههههههههه

معلشي يا فتوكات الموضوع طويل بس انا حاولت ارد علي أسئلتكم كلها

الخلاصة علشان الناس اللي مبتحبش الرغي الكتير:-

أولا انا شعري دهني و ديه تجربتي.... مزيت طبيعي اصلا يعني

الخلطة زيت حشيش و صبار و بابونج بستخدمهم في الأول بشكل يومي لمدة 3 أسابيع و بعد كده يوم آه و يوم لاء مع التدليك لفروه الشعر بشكل شبه يومي .... علي ما اقدر يعني و بمشط بمشط خشب و بعمل شعري طقيه علي الجانبين مرة يمين و مرة شمال بثبتها بكلبسات تيك تاك بس كبيرة علشان متقطعش الشعر أو منكن ببنس بس قليلة يعني بالكتير 4 أو خمس بنسات علشان متعملش موجه و بمشط شعري مرتين في اليوم صبح و قبل ما نام بشرب كباية لبن بشكل يومي مفيد للشعر و البشرة و الاضافر مبيخليهاش تتكسر و تنمو بشكل طبيعي و جميلة .... مقلكوش علي جمالها و الأكل بحاول انظم تغذيه كويسه بس بصراحة مش أوي هي و الفيتامينات بس هبدا انظم تغذيه سليمة و أخد بانتظام فيتاماكس و ا فيتون

النتيجة لغيت دلوقتي طول شعري حوالي 6 سنتيمتر خلال شهرين ديه نتيجة عجباني لاني شعري مكنش بينمو بصراحة .... اه بجد كان معقدني من عدم نموه و اقوله اطول و لو سم واحد بس علشان خطري و هو never و الهيشان مبقاش فيه هيشان خالص و التقصف قل جدا شبه منعدم .... كان كل شعراية مفلوقة نصين و ثلاثة و ارباعة حالتها صعبه اوي و مفيش تساقط كتير في شعري التساقط الطبيعي حاجة كده 30 شعراية و لا حاجة و لا اللمعان و النعومة تحفة أخيرا بدا يضوي مع الشمس و ظهر لون غامق شوية في شعري

بستخدم الكركم و زهر البابونج لو عايزة افتحة بس ده بعد لما اخلص الكورس الزيوت علي ما يوصل طولة للطول اللي انا عايزاه.... علشان انا شعري اصلا زمان زمان قوي يعني كان فاتح لونة بني علي مصفر في لمعة كستنائي كده بس بقي مع عوامل التعرية و الشمس و المصايف و اتحرق قبل كده القصة كنت بعمل عيد ميلاد لنفسي و بنفخ في الشمعة مسكت في شعريات القصة كنت صغنونة بقي المهم حالة اتقلب و لونة غمق بقي بني محروق الخلطة عشبة البابوننج الزهور مع مطحون الكركم ملعقة كبيرة من كل صنف بس منكن ازود كركم شوية مغليين في كوب ماء و اصفيهم و احطهم علي شعري اثناء الحموم كغسول نهائي

بس لسه عندي مشكله كثافة الشعر- الفتلة رفيعة - و القشرة و الطول لسه بيطول من النص و الجوانب بتطول بس مش نفس المعدل بيبقي شكله زي السهم كده و زيله رفيع من تحت ... بس هنهب انا مصدقت انه بدا يطول هشوف علاج للقشرة و زيادة كثافته و اقولكم ... تحت التجربة و البحث

بس كده ديه الخلطات التي استخدمها حاليا من خلطة التطويل و النعومة و اللمعان و تقليل التقصيف و الهيشان الي شبه منعدمه و خلطة التفتيح للون الشعر

من حق علشان الناس اللي هتسئل عن الاسعار للزيوت انا ماما جبتلي زيت الحشيش ب 25 جنية و زيت الصبار بجيبة ب 7 جنية علي ما افتكر اصله كان عندي بقاله فترة مكتوب عليه من شركة فاندي و زيت البابونج او اي زيوت اخري بجيبها من شركة كابتن بتتراوح الاسعار من 5 الي 15 جنية علي ما افتكر يعني علشان لو حد سئل ديه الاسعار ... انا مببعش حاجة انا بنزل اتبضع من عند العطار سواء الزيوت او الاعشاب محدش يبعتلي علي الخاص عن شراء ... مش عارفة يا ريت لو الادارة هتنقل الموضوع لقسم المول يا ريت بلاش و تحذف الجزء عن الاسعار بس ده مجرد علشان الناس اللي بتسئل

ديه شوية اجابات كنت كتباها لمشاكل و ردود علي تسائلات جمعتها و نسقتها و اعدت صياغة بعضها و اضفت حاجات افتكرتها علي هيئة موضوع علشان تفيد الجميع

مقدمة:-

مبدئيا لازم تروحي للدكتور ده اول حاجة علشان تعرفي في ايه مش مظبوط و بعد كدة تشوفي التغذية و الفيتامينات و ايه ناقص و بعد كدة الحالة النفسية بتاثر علي الشعر - التوتر بيظهر علي الشعر و البشرة و تلاقي الشعر اتقصف و البشرة بقت تحبب احيا في البشرة الدهنية او المختلطة -و الجو كمان و اخر حاجة الخلطات و الاعتناء الخارجي للشعر من تمشيط بمشط خشب علشان المشط البلاستك بيكهرب الشعر ثم تعملي الخلطات و طبيعي الشعر بيوقع الشعر الضعيف بمعدل حوال من 50 الي100 شعرة في اليوم

المساج - تدليك فروة الراس - بينشط الدورة الدموية و كمان بيقلل التقصف لانه بيخلي الغذا يمشي في الشعر من الجدور للاطراف

انا من و انا عشر سنين و بعمل خلطات هو كل انواع الخلطات فيكي يا مصر عملتها من الاخر من انواع زيوت للبن لعسل مرورا بكل مستنقعات الاعشاب كلها اصبح شعري معمل و ده و لا المطبخ من كتر الخلطات اللي بحطها عليه

شعري و نصائح :-

انا شعري نوعه دهني يا جماعة واصلا لونه الفاتح بين البني للاصفر الكستنائي

شعري لازم اغير نوع الشامبو كل فترة علشان ميتعودش علي خلاصة الشامبو و مياثرش عليه

طريقتي في عمل زيت لشعري بعمل زيت علي فروة شعري و اخد جزء قليل علي الشعر نفسه و اعمل تدليك خفيف بصوبعي لفروة الشعر ثم امشط شعري جميع الجهات يمين شمال قدام و للخلف بس طبعا باخد خصله خصلة علشان الشعر ما يلفش علي بعضه و يتعقد و بمشط براحة يعني يكون الشعر متسلك و مجرد تمشيط يمشي الزيت في الشعر من عند الجدور للاطراف ثم بلف شعري بقماشة او بونيه البلستيك لمده مثلا ساعة سعتين ثم بغسل شعري

كان شعري مقصف و هايش - شمس قمر نجوم الليل - و قشرة و خفيف و مبيطولش - لا ينمو – وفتلته رفيعة و كان بيعمل كيرلي بعد اي حمام و يهيش .... فيه العبر من الاخر حد عنده اعتراض

بعد شهران استخدام زيوت صبار و بابوننج و حشيش و تمشيطة بمشط خشب و تدليك فروة الراس بالاصابع تدليك خفيف الغذة وصل للاطراف و الهيشان و التقصف قل بالتدريج لغيت ما انتهي الهيشان و هدي و بمشط شعري يمين و شمال و قدام و للخلف بس بجيب مجموعة مجموعة خصل علشان ميلفش علي بعضه و يتعقد و بكدة بدلك الفروة و بنشط الدورة الدموية و بغير اتجاه الشعر علشان ميخدش علي اتجاه معين زي زيل الحصان للخلف و بيبقي في الشعر بيخف من قدام

و صدقييني ما في حاجة تطول الشعر في مدة قياسية كلها عوامل مساعدة مش اكتر هو الاهتمام و التغذية السليمة و الحالة النفسية ده غير العوامل البيئية الجو مثلا كله بياثر علي الشعر

انا عندي في البيت لما بيشوفوني بمشط شعري بيقولوا عليا مجنونة بقعد ادلعة و اهننه و اغنيله اطول يا ضنايا اطول هههههههههه و احيانا اتخانق معاه و الفه كعكة و اخامصة ههههه

انصحك تعملي مجموعة زيوت قليلة في الاول علشان تشوفي ايه اللي بيدي تاثير جيد علي شعرك ... انا من كتر تجاربي بيقولولي هتقرعي في البيت المهم وصلت اني عرفت ايه اكتر زيوت جيدة لشعري

لا تقلقي يا سكر مفيش حد غير ما اهمل في شعرة امال كل الناس اللي بتسئل ديه م علشان الشعر فيه مشكلة

اعملي شعرك طقية مرة يمين و مرة شمال بس ابعدي عن الضفيرة هي بيقولوا بتطول لكن هي بتقصف الشعر نتيجة الشد و اتجاه الشعر مبيبقاش متعود عليه مع الشد بيقصف و بردك الكحكة لما تعمليها متشديش الشعر اوي علشان ميتطلعش من جدورة نتيجة الشد و يضعف تعمليها براحة و متشديش شعرك و انت بتمشطية علشان ميتقطعش و يتقصف و التوكة الاستك ديه بتقطع الشعر نتيجة ان الشعر بيلف و يتعقد عليه استخدمي توك بقفل- المعدنيه ديه – بس بردك تكون لهي حابسه الشعر و لا مش مسكه حلو تقع من الشعر يعني جيبيها مقسها حلو تمسك الشعر برحته علشان متعملش الموجه في النص عندها في الشعر

بالنسبة للزيوت:-

الزيوت:-

زيت جرجير - زيت صبار- زيت خروع - زيت زيتون- زيت اللوز- زيت سمسم-زيت جوز الهند- زيت الحيه- زيت حلبه- زيت الخس- زيت بقدونس- زيت جنين القمح- زيت الحشيش .....

كلها زيوت ممتازة للشعر

الصبار و زيت الزاتون معروف جدا بيدي طراوة للشعر متتوصفش

اللوز و السمسم مفيدين لفروة الشعر

جوز الهند و الحشيش و الحية و الخروع بيدي مساعدة علي تطويل الشعر

بصراحة مجربتش البقدونس او جنين القمح او الخس او الحلبة

بس لاحظي ان الخروع بيدي طول للشعر لكن بيغمق جدا

و جوز الهند حلو للشعر بس بيدي جفاف للشعر ... عن تجربتي

الزيوت و الخلطات تفرق علي نوع شعرك شوفي عن تجربتي و انا شعري دهني تنبيت الشعر: زيت الثوم او القرنفل

القرنفل بتتحرق الحتة المدورة علشان تنتج زيت القرنفل او لو تعرفي تجيبي زيت القرنفل بس انا بفضل القرنفل المحروق لانة بيعمل زي تحديد زي القلم الحبيبات المتفحمة بمشيها علي الحته اللي الشعر فيها ضعيف او مفيهاش شعر اصلا نبت و طلع الشعرايه سميكة و متغذية و بعد كدة تجيبي زيت الثوم تحطية زي اي زيت بامانة بنبت الشعر عن تجربة علي حواجبي في ناس بتشكك في الثوم و بتقول انه بيجيب قمل الثوم اصلا مطهر و القمل ده حشرة بيتنقل بالعدوة من استخدام ادوات حد عنده او من شعر لشعر

اطالة الشعر: في جدل كبير عليها زيت الحشيش او الخروع او النخاع او الحية او جوز الهند ....

الحشيش كان حلو معايا اوي

تكثيف الشعر: السمسم و اللوز و الروز ماري -اكليل الجبل-

لم اجربهم منفصلين بس بيغمق الشعر اوي السمسم خدو بالكم

و طبعا الصبار معروف مفيد جدا للشعر

معروف مفيش حد غير ما عارف ان الصبار تحفة للشعر

بالنسبة للفيتامينات:-

تاكلي حاجات خضراء جرجير و بقدونس ....

و اشربي لبن علشان الكالسيوم

و شوفي الحديد اخبارة ايه هتلاقيه في العسل الاسود و الطماطم و التفاح و الحاجات الاحمريكه و علشان الجسم يستفيد من الحديد اللي بتاخديه اشربي ليمون علشان الليمون فيه فيتامين c و ده بيساعد جدا علي امتصاص الجسم للحديد بس متجيبيش فيتامين حديد لواحدة علشان بيعمل امساك خليه وسط الفيتامينات و اختبار سريع بصي افردي كف ايدك لو لقيتي نقط بيضاء في الكف او بصي علي الاظافر و انت شده كف الايد لو لقيتي ادي ابيضاض في اللون ده معناه عندك انيميا بتعلجيها بالفيتامينات حديد

و شوفي فيتامين ب ده اكتر فيتامين مفيد للشعر سواء ب 6 او 12 هتلاقيه في البليلة – قمح مسلوق -

معلومات نتائج قراءة او بحث للقراءة منقولة او كتبتها من كتاب نزلته من هنا في فتكات و اقتبست جزء منها انا عارفه هذه المعلومات ديه بس للافادة:-

تقسم الزيوت لبارد وحار

الزيوت الباردة : النارجيل السمسم الخروع اللوز الحلو الجوجوبا الخردل جنين القمح الجرجير النعناع اكليل الجبل زيت الذرة زيت عباد الشمس زيت البابونج

الزيوت الحارة : زيت الكتان وزيت الزنجبيل وزيت القسط الهندي وزيت القرنفل وزيت الفلفل و زيت اللا فندر و الثوم و البصل

في اعتقادي الزيوت الحارة هي الفواحة و تستخدم نباتاتها في العلاجات

ينمو الشعر بمعدل 1.25 سم شهريا في الأحوال الطبيعية

تبلغ عدد الشعر في فروة الراس في الاحوال العادية 100.000 شعرة و قد يزيد ليصل 120.000 شعرة عتند ذوي الشعر الناعم و يقل ليصل 90.000 شعرة عند ذوي الشعر الاحمر (الاكثر سماكة)

تقصف الشعر : غالبا اذا كان الشعر جاف او ينتج نتيجة زيادة الاحتكاك و الشعر الطويل اكثر عرضة لتقصف الشعر

القشرة : تنقسم الي نوعين :-

قشرة دهنية : تكون بشكل قشور مائلة للاصفرار و هي ذات حجم كبير حيث ان القشور تختلط مع زيت الشعر و تلتصق بجلدة الراس و تكون ازالتها بتسليك الشعر و غسلة و لكن هذا النوع من القشرة يكون صعب ازالته و يصاحبة احمرار و التهابات

القشرة الجافة تتميز بانها ناعمة و بيضاء غير ملتصقة بجلدة الراس تتساقط علي الاكتاف و هذه القشرة ناتجة عن تساقط طبيعي لخلايا الطبقة السطحية لجلدة الراس و يمكن السيطرة عليها من خلال غسل الشعر باستمرار فيلاحظ انها تقل في الصيف عنها في الشتاء لكثرة غسل الشعر صيفا

انواع الشعر : ينقسم الي ثلاثة انواع :-

الشعر الدهني : هو الشعر الي يظهر فيه زيادة في الدهون فتظهر علي شكل لمعة كبيرة و هو سريع التلبد و تظهر فيه القشرة و تسريحته لا تدوم

الشعر الجاف : الشعر الذي تكون صاحبته لديها قله في افراز الغدد الدهنيه فهو قليل اللمعة و سهل التقصف ردئ الملمس قاسي

الشعر الطبيعي (العادي) : الشعر طبيعي بجميع المواصفات من حيث لنمو و الكثافه و تكون نسبة الدهون معتدلة

مواصفات الشامبو الجيد :-

1- ان يكون قابل للانتشار السريع علي سطح الشعر

2- ان ينتج رغوة غنية مع ان بعض المنظفات يمكن تنظف بفاعلية جيدة بدون رغوة و لكن الرغوة مهمة في غسل الشعر و الجلد مادامت توفر محلول مركز من المنظف يمكن ازالته بسهولة عن الشعر و الجلد

3- ان يكون عامل مبلل جيد بحيث لا يبلل الشعر كثيرا يصعب تجفيفة لانه خلال عملية الغسل يمكن ان يمتص الشعر بحدود 30% من وزنه ماء و تجفيف الشعر يجب ان تنقص هذه الكمية الي نسبتها الطبيعية و التي تساوي 10% من الرطوبة

4- ان لا ينقص من نسبة الدهن بالشعر و الجلد

5- ان يمنع عودة ترسب الدهن مرة ثانية

6- ان يكون سهل الازالة عن الشعر

7- ان يترك الشعر سهل التسليك و التعامل معه

8- ان لا يهيج العيون و الجلد بحيث لا يكون زائد القلوية او الحموضة

بس كده ايه رايكم بقي مستنيه ردودكم يا قمرات و تقييمكم لو عجبكم الموضوع
الموضوع متجدد مع كل جديد

مشكوووووووووووووووووورة مرة

روووعه يسسسسسسسسلمو من احلي عضوه

» وصفة رجيم تنقص 7 كيلو في الأسبوع ألحق على عمرك
» تحديث الصفحة [ وصفة ] لجــسم ناعـم 24 ساعة وبكل بساااااطة